Personvernerklæring for KS Digitalt følgjekort

KS Digitalt følgjekort og den tilhøyrande nettsida ledsagerbevis.no er utarbeidd for norske kommunar av KS, kommunesektorens organisasjon, på oppdrag frå Barne-, ungdoms- og familiedirektoratet. Tenesta er etablert på plattforma Fiks. KS Digital har utarbeidd eit felles nasjonalt søknadsskjema som kommunar kan velje å ta i bruk.

Kommunen er behandlingsansvarleg

KS Digitalt følgjekort blir brukt av kommunar.

Det er den enkelte kommune som har ansvaret for behandlinga av personopplysningane dine i Digitalt følgjekort. Du kan lese meir om korleis kommunen behandlar personopplysningar, i personvernerklæringa til kommunen din.

1. Innleiing

Denne personvernerklæringa skildrar korleis vi, som databehandlar, behandlar personopplysningar i samband med tenesta Digitalt ledsagerbevis. Vi i KS Digital er opptekne av å vareta personvernet ditt og rette oss etter føresegnene i EU si personvernforordning (GDPR). Når omgrepet «vi» er brukt i teksten nedanfor, viser vi til KS Digital.

2. Skildring av tenesta

2.1 KS Digitalt følgjekort er eit felles nasjonalt søknadsskjema og saksbehandlingsverktøy som kommunen bruker til å behandle søknader om følgjekort og til å utferde følgjekort. I søknaden registrerer søkjaren opplysningar om eigar av følgjekortet, som fødselsnummer, namn, etternamn, adresse og telefonnummer. Søkjaren lastar opp bilete og skildrar behovet for følgjar. Søkjar kan leggje til andre som administratorar av følgjekortet. Saksbehandlaren i kommunen nyttar saksbehandlingsverktøyet og behandlar informasjonen som er komen inn i søknaden, og skriv vedtak om innvilging eller avslag. Ved innvilging definerer saksbehandlaren talet på følgjarar og kor lenge følgjekortet varer. Vedtaksbrevet blir så sendt til innbyggjaren via SvarUt anten digitalt eller per post.

2.2 KS Digitalt følgjekort har også ein app for innbyggjarar. Gjennom appen kan du ha følgjekortet digitalt på mobilen. Appen er støtta av IOS og Android. I appen kan du gje andre personar tilgang til følgjekortet. Følgjekortet kan også visast i ein nettlesar.

2.3 Nettsida ledsagerbevis.no gjev informasjon til innbyggjarar om tenesta følgjekort.

3. Databehandlar

Databehandlar for KS Digitalt følgjekort er KS-Digitale fellestjenester AS, org.nr. 931 796 003. Har du spørsmål om behandling av personopplysningar, kan du kontakte oss på fiks@ksdigital.no.

4. Behandlingsansvarleg og personvernombod

Behandlingsansvarleg for personopplysningane som blir behandla i KS Digitalt følgjekort, er den enkelte kommune. Personvernombodet i den enkelte kommune er ansvarleg for å overvake kommunen si behandling av personopplysningar og rettleie kommunen i personvernspørsmål. Kontaktinformasjon til personvernombodet i den aktuelle kommunen finst på kommunen si nettside.

5. Personopplysingar og føremålet med behandlinga

5.1 Føremålet med behandlinga:

å behandle søknad om følgjekort
å utferde, administrere og vise digitalt følgjekort i app/nettleser
å sende vedtaksbrev til innbyggjar (via SvarUt)

5.2 Behandlingsgrunnlaget

Kommunen behandler personopplysninger i KS Digitalt ledsagerbevis fordi det er nødvendig for å utføre en oppgave i allmennhetens interesse eller utøve offentlig myndighet, jf. personvernforordningen artikkel 6 nr. 1 bokstav e, med supplerende hjemmel i nasjonal lovgivning. Nærmere informasjon om kommunens behandlingsgrunnlag finner du i kommunens personvernerklæring.

5.3 KS Digital

For KS Digitalt følgjekort behandlar vi, på vegner av behandlingsansvarleg, personopplysningar som er nødvendige for å levere tenesta. Føremålet er å sikre ei trygg og effektiv utsending av brev til innbyggjarar.

Opplysningar som blir behandla:

Identifikasjonsopplysningar:

namn, fødselsnummer

Kontaktopplysningar:

adresse, telefonnummer

Opplysningar i søknaden:

skildring av behovet for følgjekort (som kan innehalde helseopplysningar/opplysningar om funksjonsnedsetjing)
talet på følgjepersonar det blir søkt om
informasjon om søkjar

Bilete:

foto som skal visast på følgjekortet

Saksbehandlingsopplysningar:

vedtak (innvilging/avslag), gyldigheitsperiode, vedtaksdato

5.4 Analyse

Nettstaden ledsagerbevis.no nyttar ikkje informasjonskapslar. I staden bruker vi verktøyet Plausible, som ikkje nyttar informasjonskapslar, ikkje genererer vedvarande identifikatorar og ikkje samlar inn eller lagrar nokon personlege eller identifiserbare data. Vi samlar inn og lagrar oppsummerte data som ikkje inneheld personleg informasjon. All aktivitet på nettsida blir registrert anonymt, og vi samlar berre inn det mest nødvendige for å følgje med på korleis nettsida blir brukt.

Les meir her: Personvernerklæring KS-digital.no

6. Mottakarar av personopplysingane

Personopplysningane vi behandlar i KS Digitalt følgjekort, blir berre delte med den innbyggjaren som eig følgjekortet, og med eventuelle administratorar av følgjekortet. Vi deler ikkje personopplysningane med andre partar med mindre lova pålegg oss det, eller det skjer med samtykke frå personen opplysningane gjeld.

7. Lagring og sikring av personopplysingar

Vi lagrar personopplysningane så lenge det er nødvendig for å oppfylle føremålet med behandlinga, eller så lenge lovgjevinga pålegg oss det. Vi har gjennomført nødvendige tekniske og organisatoriske sikkerheitstiltak for å beskytte personopplysningane mot uautorisert tilgang, endring, sletting eller spreiing.

8. Dine rettar

Som registrert har du rett til innsyn, retting, sletting, avgrensing av behandling, dataportabilitet og å protestere mot behandling av personopplysningane dine. For å nytte deg av desse rettane kontaktar du personvernombodet i den enkelte kommune.

å få innsyn i personopplysningane dine
å få opplysningane retta eller sletta
å avgrense behandlinga av opplysningane
å ta med deg opplysningane frå éi teneste til ei anna (dataportabilitet)
å protestere mot behandlinga av opplysningane

For å nytte deg av desse rettane må du kontakte personvernombodet i kommunen din.

9. Endringar i personvernerklæringa

Vi held på retten til å oppdatere denne personvernerklæringa når det er nødvendig. Eventuelle endringar vil bli kommuniserte i god tid før dei trer i kraft. Vi tilrår at du jamleg går gjennom denne personvernerklæringa for å halde deg oppdatert om korleis vi behandlar personopplysingar.

10. Klage til tilsynsmyndigheita

Dersom du meiner at behandlinga vår av personopplysingar ikkje er i tråd med personvernforordninga (GDPR), har du rett til å klage til Datatilsynet. Kontaktinformasjon til Datatilsynet finn du på nettsida deira: datatilsynet.no.

11. Kontaktinformasjon

Kvar enkelt kommune har eit eige personvernombod. Dette ombodet kan hjelpe deg dersom du har spørsmål om innsyn, retting, sletting eller uthenting av informasjon om deg frå kommunen sine system. Du finn kontaktopplysningar til personvernombodet på kommunen si nettside.

Dersom du ikkje finn det du leitar etter hos din kommune, eller dersom du har spørsmål til KS-Digitale fellestjenester AS om denne personvernerklæringa eller behandlinga vår av personopplysningar, ta gjerne kontakt med oss på fiks@ksdigital.no.