KS digitalt ledsagerbevis (SG digitála mieđušteaddjiduođaštusa) personsuodjalusjulggaštus

KS digitalt ledsagerbevis (SG digitála mieđušteaddjiduođaštus) oktan gullevaš neahttasiidduin ledsagerbevis.no lea KS (SG), suohkansuorggi organisašuvdna, ráhkadan suohkaniidda, Mánáid-, nuoraid ja bearašdirektoráhta gohččuma vuođul. Bálvalus lea ásahuvvon Fiks-vuođđovuogádahkii. KS Digital (SG Digitála) lea ráhkadan oktasaš nationála ohcanskovi maid suohkanat sáhttet válljet atnigoahtit.

Suohkan lea meannudanovddasvástideaddji

Suohkanat geavahit KS digiltalt ledsagerbevis (SG mieđušteaddjiduođaštusa).

Du persondieđuid meannudeapmi Digitála Digitalt ledsagerbevisas (mieđušteaddjiduođaštusas) lea iešguđetge suohkana ovddasvástádus. Don sáhtát lohkat eambbo movt suohkan meannuda persondieđuid iežat suohkana personsuodjalusjulggaštusas.

1. Álggaheapmi

Dát persovdnasuodjalusjulggaštus čilge movt mii, geat meannudit dáhtaid, meannudit persovdnadieđuid Digitalt ledsagerbevis (Digitála mieđušteaddjiduođaštus) bálvalusa oktavuođas. Mii KS Digitalas (SG Digitálas) beroštit áimmahuššat du personsuodjalusa ja doallat EO personsuodjalusásahusa (GDPR) mearrádusaid. Go doaba geavahuvvo teavsttas vulobealde čujuhit mii KS Digitalii (SG Digitálii)

2. Bálvalusčilgehusat

2.1 KS Digitalt ledsagerbevis (SG Digitála mieđušteaddjiduođaštus) lea oktasaš nationála ohcanskovvi ja áššemeannudanneavvu maid suohkanat atnet meannudit ohcamiid oažžut mieđušteaddjiduođaštusa ja addit mieđušteaddjiduođaštusa. Ohcamis registrere ohcci dieđuid mieđušteaddjiduođaštusa eaiggáda birra, nugo reigádannummara, nama, goarggu, adreassa, ja telefonnummara. Ohcci láste gova ja čilge mieđušteaddjidárbbu. Ohcci sáhttá lasihit earáid mieđušteaddjiduođaštusa hálddašeaddjin. Áššemeannudeaddji suohkanis geavaha áššemeannudanneavvu ja meannuda dieđuid mat leat boahtán ohcamis ja čállá mieđihan- dahje biehttalanearrádusa. Go mieđihuvvo čilge áššemeannudeaddji mieđušteaddjilogu ja mieđušteaddjiduođaštusa gustoma. Mearrádusreive sáddejuvvo dasto ássái SvarUt (Vástádus Olggos) bokte juogo digitálalaččat dahje poastta mielde.

2.2 KS Digitalt ledsagerbevisas (SG Digitála mieđušteaddjiduođaštusas) lea maiddái áppa ássiide. Áppas sáhtán don atnit mieđušteaddjiduođaštusa digitalalaččat mobiillas. Áppa doarju IOS ja Android. Áppas sáhtát don addit eará olbmuide beassanlobi mieđušteaddjiduođaštussii. Mieđušteaddjiduođaštusa sáhttá maiddái čájehit neahttalohkkis.

2.3 Neahttasiidu ledsagerbevis.no addá ássiide dieđuid mieđušteaddjiduođaštusbálvalusa birra.

3. Dáhtameannudeaddji

Digitalt ledsagerbevis (Digitála mieđušteaddjiduođaštusa) dáhtameannudeaddji lea KS-Digitale fellestjenester AS (SG Digitála oktasašbálvalusat), org.nr. 931 796 003. Jus dus leat gažaldagat persondieđuid meannudeami birra, de sáhtát váldit minguin oktavuođa fiks@ksdigital.no bokte.

4. Meannudanovddasvástideaddji ja persovdnasuodjalanáittardeaddji

Persondieđut mat meannuduvvojit Digitalt ledsagerbevisas (Digitála mieđušteaddjiduođaštusas) leat iešguđetge suohkana ovddasvástádus. Iešguđetge suohkana personsuodjalusáittardeaddjis lea ovddasvástádus gozihit suohkana persodiehtomeannudeami ja rávvet suohkana personsuodjalusgažaldagain. Guoskevaš suohkana personsuodjalusáittardeaddji gulahallandieđuid gávnnat don suohkana neahttasiidus.

5. Persovdnadieđut ja ulbmil meannudemiin

5.1 Divššu ulbmil:

meannudit ohcamiid oažžutm ieđušteaddjiduođaštusa
addit, hálddašit ja čájehit digitála mieđušteaddjiduođaštusa áppas/neahttalohkkis
sáddet mearrádusreivve ássái (SvarUt (Vástádus olggos)) bokte

5.2 Meannudanvuođđu

Suohkan meannuda persondieđuid KS Digitalt ledsagerbevisas (SG Digitála mieđušteaddjiduođaštusas) dannego lea dárbbašlaš almmolaš beroštumiid dahje almmolaš válddi čađaheami geažil, vrd. personsuodjalusásahusa 6. artihkkala nr. 1 bustáva e, oktan dievasmahtti láhkavuođuin nationála lágain. Eanet dieđuis suohkana meannudanvuođu birra gávnnat don suohkana personsuodjalusjulggaštusas.

KS Digital (SG digitála)

KS Digitalt ledsagerbevis (SG mieđušteaddjiduođaštusa) ovddas meannudit mii, meannudanovddasvástideaddji bealis, persondieđuid mat leat dárbbašlaččat addit bálvalusa. Ulbmil lea sihkkarastit oadjebas ja beaktilis reivesáddema ássiide.

Dieđut mat meannuduvvojit:

Identifikašuvdnadieđut:

namma, riegádannummar

Gulahallandieđut:

adreassa, telefonnummar

Dieđut ohcamis:

čilgehus mieđušteaddjidárbbu birra (sáhttá sisttisdoallat dearvvašvuođadieđuid/dieđuid doaibmavádjitvuođa birra)
mieđušteaddjilohku mii ohccojuvvo
dieđut ohcci birra

Govva:

govva mii lea mieđušteaddjiduođaštusas

Áššemeannudandieđut:

mearrádus (mieđiheapmi/biehttaleapmi), gustonáigodat, mearrádusbeaivi

5.4 Analysa

Neahttabáiki ledsagerbevis.no ii geavat diehtočohkiid. Mii geavahit dan sadjái neavvu Plausible, mii ii geavat diehtočohkiid, ii ráhkat bistevaš identifikáhtoriid iige čohkke dahje vurke persovnnalaš dahje identifiserejeaddji dáhtaid. Mii čohkket ja vurket čoahkkáigesson dáhtaid mat eai sisttisdoala persovnnalaš dieđuid. Buot aktivitehta neahttasiiddus registrerejuvvo anonymalaččat, ja mii čohkket dušše dan buot dárbbašlepmosa gozihan dihte movt neahttasiidu geavahuvvo.

Loga eambbo dás KS-digita.no personsuodjalusjuggaštus

6. Persovdnadieđuid vuostáiváldit

Persondieđut maid mii meannudit KS digitalt ledsagerbevisas, (SG digitála mieđušteaddjiduođaštusas) juogaduvvojit dušše dainna ássiin gii eaiggáduššá mieđušteaddjiduođaštusa, ja vejolaš hálddašeddjiiguin. Mii eat juogat persondieđuid eará áššebeliiguin, eará go jus mii leat geatnegahtton lága bokte dahje jus son geasa dieđut gusket lea miehtan.

7. Persovdnadieđuid vurken ja sihkkarastin

Mii vurkkodit persondieđuid nu guhká go lea dárbu ollašuhttin dihte divššu ulbmila dahje nu guhká go leat geatnegahtton lágas. Mii leat čađahan dárbbašlaš teknihkalaš ja orgasisatoralaš sihkkarvuođadoaibmabijuid suddjet persondieđuid lobihis beassama, rievdadeami, sihkkuma ja gilvima vuostá.

8. Du vuoigatvuođat

Go leat registrerejuvvon lea dus vuoigatvuohta geahččat, divvut, sihkkut, ráddjet meannudeami, sirdit dáhtaid, vuosttildit iežat persondieđuid meannudeami. Jus áiggut atnit daid vuoigatvuođaid, leage buorre ja váldde oktavuođa iešguđetge suohkana personsuodjlusáittardeddjiin.

beassat geahččat iežat persondieđuid
divvut dahje sihkkut dieđuid
ráddjet dieđuid meannudeami
váldit dieđuid fárrui ovtta bálvalusas nubbá (dáhtaportabilitehta)
vuosttildit duođuid meannudeami

Jus áiggut atnit dáid vuoigatvuođaid det fertet váldit oktavuođa iežat suohkana personsuodjalusáittardeddjiin.

9. Rievdadusat persovdnasuodjalusjulggaštusas

Mii doalahit vuoigatvuođa ođasmahttit dán persovdnasuodjalusjulggaštusa go lea dárbbašlaš. Vejolaš rievdadusat dieđihuvvojit buori áiggis ovdal go leat fámus. Mii rávvet don dássedit geahčat dán persovdnasuodjalusjulggaštusa mainna lágiin mii meannudit persovdnadieđuid.

10. Váidda bearráigeahččaneiseváldái

Jus don oaivvildat ahte min meannudeapmi persovdnadieđuin ii čuovo persovdnasuodjalusmearrádusa (GDPR), de lea dus vuoigatvuohta váidit Datatilsynetii. Oktavuođadieđu Datatilsynetii gávnnat sin neahttasiiddus, datatilsynet.no.

11. Oktavuođadiehtu

Iešguđetge suohkanis lea sierra personsuodjalanáittardeaddji. Dát áittardeaddji galgá veahkehit du jus dus leat gažaldagat geahččanlobi, divvuma, sihkkuma dahje iežat dieđuid viežžama birra suohkana vuogádagain. Don gávnnat gulahallandieđuid personsuodjalusáittardeaddjái suohkana neahttasiiddus.

Jus don it gávnna dan maid ozat iežat suohkanis, dahje leat gažaldagat KS-Digitale fellestjenester AS:i (SG-Digitála oktasašbálvalus OS:i) dán personsuodjalusjulggaštusa birra dahje dan birra movt mii meanndit persondieđuid, váldde áinnás minguin oktavuođa e-poastta fiks@ksdigital.no bokte.