Oaččo mielčuovvuduođaštusa telefovdnii
Mielčuovvuduođaštusain sáhtát váldit fárrui mielčuovvu doaluide. Dál fállet eanet suohkanat digitála mielčuovvuduođaštusa ovtta áppa bokte, nu ahte dus álo lea dat gávdnamis telefovnnas. Don oainnát maid mielčuovvuduođaštusa neahtas.
Ovdal go sáhtát váldit atnui digitála mielčuovvuduođaštusa, de ferte suohkan registreret du. Váldde oktavuođa suohkaniin vai beasat sisa.
Gii sáhttá oažžut mielčuovvuduođaštusa?
Dus sáhttá leat vuoigatvuohta mielčuovvuduođaštussii jus dus lea doaibmahehttejupmi mii vurdojuvvo bistit unnimusat guokte jagi.
Ná ozat mielčuovvuduođaštusa
Don ozat mielčuovvuduođaštusa suohkanis gos don orut. Eanet dieđuid ja ohcanskovi gávnnat suohkana ruovttusiiddus.
Loga eanet mielčuovvuduođaštusa našuvnnalaš njuolggadusaid birra Mánáid- nuoraid- ja bearašdirektorahtas (Bufdir) siiddus.
Dáppe sáhtát geavahit mielčuovvuduođaštusa
Mielčuovvuduođaštus gusto dain báikkiin gos leat álggahan mielčuovvuortnega. Lágodeaddjit geat dohkkehit mielčuovvuduođaštusa, dávjá muitalit dan birra iežaset ruovttusiidduin ja go boahtá doaluide. Kulturlágideaddjit geat ožžot doarjaga stáhtas, galget dábálaččat fállat mielčuovvubileahta.
Ovdamearkkat báikkiin gos sáhtát geavahit mielčuovvuduođaštusa
- suohkanlaš konsearttat, kinos, čájáhusain ja eará kulturfálaldagain
- doaibmafálaldagain ja falástallanfálaldagain
- kollektiivafievrruin
Mielčuovvuduođaštus gustojuvvo miehtá riikka, muhto fálaldat rievddada suohkanis suohkanii ja lágideaddjis lágideaddjái. Dan dihte fertet ieš dárkkistit gusto go ortnet doaluide, doibmii dahje fivrui maid áiggut geavahit.
Mielčuovvuduođaštusortnet gusto dušše Norggas.
Fállá go du suohkan digitála mielčuovvuduođaštusa?
2024 álget eanet suohkanat fállat digitála mielčuovvuduođaštusa. Jus don orut ovtta diekkár suohkanis, de sáhtát oažžut mielčuovvuduođaštusa iežat telefovdnii, juogo áppa bokte dahje jus logget sisa nehttii.
Váldde oktavuođa iežat suohkaniin dárkkistit sáhtát go oažžut digitála mielčuovvuduođaštusa. Go suohkan lea luoitán du sisa, de sáhtát geavahit Mielčuovvuduođaštus-áppa "Ledsagerbevis".
Geahča makkár suohkanat fállet digitála mielčuovvuduođaštusa
Suohkanat ain jotket fállat fysalaš mielčuovvuduođaštusa, báberkoartan dahje plastihkkakoartan maid oaččut poasttas.
Mii bargat ovdánahttit bálvalusa
Digitála mielčuovvuduođaštus lea bálvalus mii lea ovdáneamen. 2024 rájes sáhtát čájehit mielčuovvuduođaštusa iežat telefovnnas. Dađistaga de leat eanet funkšuvnnat gávdnamis.
Viečča áppa dáppe
Ovdal go sáhtát váldit atnui digitála mielčuovvuduođaštusa, de ferte suohkan registreret du. Váldde oktavuođa suohkaniin vai beasat sisa.
Viečča áppa dáppe App Store dahje Google Play.
